“Qriqorçukdan başqa, hansı əcnəbi məşqçi Azərbaycanda nəticə qazana bilib?”

“Yerli yox, əcnəbi məşqçiyə güvənmək klubların daxili işidi. Bu, rəhbərlikdən asılı olan məsələdi, bizə aidiyyəti yoxdu”.

Futbolxeber.az saytına açıqlamasında bu sözləri veteran futbolçu Yunis Hüseynov deyib.

O bildirib ki, son illər Azərbaycan futbolunda xeyli sayda əcnəbi məşqçi çalışsa da, onlardan yalnız biri nəticə verə bilib:

“Əlbəttə, istərdim ki, yerli mütəxəssislər çalışsın. Elə mən də özüm də işləyim. Amma bu haqda qərarı biz qəbul etmirik. Razıyam ki, Azərbaycan futbolunda nəticə verən yerli məşqçilərdi. Hansı əcnəbi məşqçi Azərbaycan futbolunda uğur qazana bilib? İstisna kimi yalnız “Qəbələ”nin sabiq baş məşqçisi Roman Qriqorçuku göstərmək olar. Hansı ki, onun rəhbərliyi altında komanda ardıcıl 2 il Avroliqanın qrup mərhələsinə qazandı. Baş heç kimin bu baxımdan adını çəkə bilmirik. Çünki uğur qazanan yoxdu”.

Futbolxeber.az-ın teleqram kanalına abunə olun