“Bu hazırlıqla inanmıram ki, “Neftçi” mərhələ adlasın”

“Sabah”ın transferləri barədə geniş məlumatım yoxdu. Lakin düşünürəm ki, Şimali Makedoniya, yaxud Latviya klubunun rəqib düşməsindən asılı olmayaraq, “Sabah” mərhələ adlaya biləcək. Paytaxt klubu bu rəqibləri rahatçılıqla keçə biləcək gücdədi”.

Futbolxeber.az saytına açıqlamasında bu sözləri veteran futbolçu Yunis Hüseynov Azərbaycan klublarının - “Neftçi”, “Qəbələ” və “Sabah”ın UEFA Konfrans Liqasının II təsnifat mərhələsindəki şanslarını dəyərləndirərkən deyib.

Təcrübəli mütəxəssis bildirib ki, eyni sözləri “Qəbələ” haqda demək olmur: “Mövsüm başa çatdıqdan sonra “Qəbələ”ni xeyli sayda futbolçu tərk edib. Hələlik yalnız 1 transfer ediblər (söhbət dünən olub - red.). Eşitdim ki, Ayzaya heyətə cəlb olunub. Aparıcı oyunçuların gedişi komandaya təsir edəcək. “Qəbələ” mütləq güclənməlidi. Əks halda mərhələ adlamaq çox çətin olacaq”.

Y.Hüseynov “Neftçi” ilə bağlı da ümidsiz danışıb: “O ki qaldı “Neftçi”yə, bu klubda heç nə aydın deyil. Nə komandanın baş məşqçisi var, nə də yeni transferlər reallaşdırılıb. Konfrans Liqasının startına isə az vaxt qalıb. Komandaya kimlərin gələcəyi hələ məlum deyil. Baş məşqçi təyinatından sonra dəqiq söz demək olr. Amma ümumi götürdükdə, indiki məqamda, bu hazırlıqla inanmıram ki, “Neftçi” mərhələ adlaya bilsin”.

Futbolxeber.az-ın teleqram kanalına abunə olun