”Xəzər Lənkəran” "Simurq"la oyunu8n hazırlıqlarını davam etdirir

Artıq 4 gündür ki, Bakıda məskunlaşan “Xəzər Lənkəran” hazırlığını paytaxtda davam etdirir. Futbolxeber.az-ın klubun rəsmi saytına istinadən verdiyi məumata görə,  bayram günlərində də məşqlərinə ara verməyən komanda bu gün “Bayıl Arena”da növbəti məşqinə çıxdı. Saat 11:00-da başlayan hazırlığa millinin toplanışlarında olan futbolçular da qatıldı ki, belədə “Xəzər Lənkəran” son günlərdən fərqli olaraq bu dəfə tam heyətlə məşqini keçirdi. Saat yarım davam edən məşqdə futbolçular taktiki planda müxtəlif təmrinləri yerinə yetirdilər və son olaraq məşq iki tərəfli oyunla yekunlaşdı. Hazırda komandada zədəli futbolçunun yoxluğu məşqçilər korpusunu sevindirən ən vacib məqamdır. Xatırladaq ki, Premyer liqanın X turunun “Simurq” - “Xəzər Lənkəran” görüşü Zaqatala şəhər stadionu təmirə bağlandığından paytaxtda, 19 oktyabr saat 17:00-da “Bayıl Arena”da keçiriləcək.