“Səbail” “Şamaxı” üzərində qələbəyə görə nə qədər mükafat alacaq?

Azərbaycan Premyer Liqasının son turunda “Şamaxı”nı 1:0 hesabı ilə məğlub etməklə çempionatdakı yerini qoruyan “Səbail”in alacağı mükafatın məbləği məlum olub.

Futbolxeber.az saytının məlumatına görə, matçdan sonra keçirilən mətbuat konfransında paytaxt klubunun baş məşqçisi Şahin Diniyev bildirib ki, əvvəldən 5 min manat mükafat vəd olunsa da, sonradan məbləğ artırılıb:

“Qabaqcadan 5 min təyin mükafat olunmuşdu. Lakin klub rəhbəri Rauf Əliyevdən xahiş etdim ki, məbləği 2 min manat da artırsın. Sağ olsun, razılaşdı. Odur ki, 7 min manat mükafat alacağıq”.