“Sumqayıt” “Yüksək Liqa”nın çempionu oldu

AFFA-nın təşkilatçılığı keçirilən qızlar üzrə “Yüksək Liqa”da sonuncu turun oyunları keçirilib.

Futbolxeber.az saytının məlumatına görə, “Sumqayıt” FK “Kapital Bank Arena”da 8 №-li İOEUGİM kollektivi ilə qarşılaşıb.

Matç meydan sahiblərinin 7:4 hesablı qələbəsi ilə başa çatıb. Ləman Mustafazadənin het-trik, Nübar Eminovanın isə dubl etdiyi qarşılaşmada “Sumqayıt”ın digər qollarının müəllifləri Firuzə Şıxıyeva və Rövşanə Sərdarlı olub.

Qarşılaşmanın ardınca “Yüksək Liqa”nın mükafatçılarının təltifetmə mərasimi keçirilib. Futbolçulara medal və diplomları “Sumqayıt” FK-nın prezidenti Riad Rəfiyev, AFFA-nın Texniki Direktoru Cahangir Həsənzadə, Qadın Futbolu Departamentinin rəisi Əminə Həsənova və U-17 (qadınlar) milli komandasının baş məşqçisi Nərgiz Qurbanova təqdim ediblər.

Beləliklə, “Sumqayıt” FK “Yüksək Liqa”nın məğlubiyyətsiz çempionu adını qazanıb. Komandanın hücumçusu Şəfəq Nəsirova isə 64 qolla çempionatın bombardiri olub.