AFFA 6 klubu cərimələdi

AFFA İntizam Komitəsinin iclası keçirilib.

Futbolxeber.az saytının məlumatına görə, iclasda aşağıdakı qərarlar qəbul edilib:

14.04.2023-cü il tarixində Azərbaycan Premyer Liqasının XXX turunun “Zirə” - “Səbail” oyununun II hissəsində “Səbail” klubu meydançaya gec çıxdığına görə 2400 manat cərimə edilib.

14.04.2023-cü il tarixində Azərbaycan Premyer Liqasının XXX turunun “Neftçi” - “Qəbələ” oyununda “Qəbələ” klubunun 5 futbolçusu sarı vərəqə ilə cəzalandığına görə klub 800 manat cərimə edilib

15.04.2023-cü il tarixində Azərbaycan Premyer Liqasının XXX turunun “Kəpəz” - “Turan Tovuz” oyununda “Kəpəz” klubunun 4 futbolçusu sarı vərəqə ilə cəzalandığına görə klub 800 manat cərimə edilib.

Oyunda “Turan Tovuz” klubunun futbolçuları isinmə hərəkətləri edən zaman tələbləri pozduğuna görə klub 200 manat cərimə edilib.

16.04.2023-cü il tarixində Azərbaycan Premyer Liqasının XXX turunun “Sabah” - “Qarabağ” matçına Yanğından mühafizə xidməti maşını təyin olunan vaxtdan gec gəldiyinə görə “Sabah” klubu 400 manat cərimə edilib.

Matç zamanı “Sabah” klubunun azarkeşləri tərəfindən meydançaya kənar əşyalar atıldığına görə “Sabah” klubu 1600 manat cərimə edilib.

Oyunda “Qarabağ” klubunun azarkeşləri tərəfindən meydançaya kənar əşyalar atıldığına görə “Qarabağ” klubu 1600 manat cərimə edilib.

 Görüş başa çatdıqdan sonra meydançaya kənar şəxslər daxil olduğuna görə “Sabah” klubu 1600 manat cərimə edilib

19.04.2023-cü il tarixində Azərbaycan Kubokunun 1/2 final mərhələsinin “Turan Tovuz” - “Neftçi” oyununda “Turan Tovuz” klubunun 4 futbolçusu sarı vərəqə ilə cəzalandığına görə klub 800 manat cərimə edilib.