Qluşakov: "Azərbaycanlı futbolçulara nə qədər mükafat qoyulması bizi maraqlandırmır"

Rusiya millisininü üzvü Denis Qluşakov Lüksemburqu məğlub etdikləri oyundan danışıb. Futbolxeber.az-ın məlumatına görə, "Spartak"ın yarımmüdafiçisi Bakıda millimizə qarşı keçirəcəkləri oyundan ancaq qələbə gözlədiklərini bildirib: "İkinci hissədə arxayınlaşdığımız haqda səslənən fikirlərlə razı deyiləm. Sadəcə olaraq, rəqib daha çox müdafiəyə çəkildi. Bura qələbə üçün gəlmişdik və onu da qazandıq. İndi qarşıda bizi Azərbaycanla çətin oyun gözləyir. Azərbaycanlı futbolçulara nə qədər mükafat qoyulması bizi maraqlandırmır. Ortada dünya çempionatına vəsiqə var. Odur ki Bakıya ancaq qələbə üçün gedirik".