“Səbail” Premyer Liqada qalmağa layiqdir”

“Sumqayıt” və “Kəpəz” bu tur qələbə qazanmaqla bizdən aralandılar və bu, onlar üçün böyük sıçrayışdır. “Şamaxı” ilə vuruşmalıyıq”.

Futbolxeber.az saytının məlumatına görə, bu sözləri “Səbail”in baş məşqçisi Şahin Diniyev Azərbaycan Premyer Liqasının 28-ci turunda “Kəpəz”ə 0:1 hesabı ilə uduzduqları oyundan sonra deyib.

Təcrübəli mütəxəssis komandasının Premyer Liqada qalmağa layiq olduğunu bildirib:

“Sona 8 tur qalıb və hər an hər şey dəyişə bilər. Ümidliyəm, təslim olmayacağıq, sona kimi mübarizə aparacağıq. Bugünkü oyunu çıxmaq şərti ilə, sərgilədiyimiz futbola görə, şəraitinə görə “Səbail” Premyer Liqada qalmağa layiqdir”.