“Azərbaycan Premyer Liqasında komanda sayı 10-dan 12-yə yüksəlsə...”

“Komanda sayının artırılması çox yaxşı oldu. İnanıram ki, qarşıdakı mövsümlərdə say 10-dan 12-yə yüksəlsə, daha da yaxşı olar”.

Futbolxeber.az saytına müsahibəsində bu sözləri "Şamaxı" Futbol Məktəbinin koordinatoru, veteran futbolçu Vəli Qasımov deyib.

O, bölgə klublarının çempionata rəng qatdığını bildirib: “İştirakçı sayı nə qədər çox olsa, bir o qədər maraqlı mübarizəyə şahidlik edərik. Necə ki, hazırda “Kəpəz” və “Turan Tovuz”un timsalında bunu  görürük. Tovuzdakı, Gəncədəki oyunlar da göstərir ki, həmin regionlarda futbola maraq böyükdür. Çünki futbol azarkeşlər üçün oynanılır. Həm də unutmayaq ki, mövsüm ərzində eyni rəqiblə 4 dəfə qarşılaşmaq bəzən futbolçulara mənfi təsir edir”.