"Azərbaycan millisini mütləq məğlub etməliyik"

"Gələn il Almaniyada keçiriləcək Avropa çempionatı zamanı evdə televizorun qarşısında oturub necə axmaq olduğumuzu düşünmədikdə hər kəs üçün xoş olacaq".

Futbolxeber.az saytının məlumatına görə. bu sözləri Avro-2024-ün seçmə mərhələsində bu gecə millimizlə qarşılaşacaq Avstriya yığmasının üzvü Mixael Qriqoriç deyib.

O, yerli mətbuata açıqlamasında seçmə mərhələnin ilk iki oyununda mütləq qalib gəlməli olduqlarını bildirib: "Avstriya Azərbaycan və Estoniya millisindən güclüdür. Hər birimiz bunu bilirik. Gələn il Almaniyaya getmək istəyiriksə, mütləq bu ev oyunlarında qalib gəlməliyik. Hər bir rəqibə 100 faiz ciddi yanaşmalı və əlimizdən gələni etməliyik. Onda əminəm ki, 6 xal qazanacağıq".

Qeyd edək ki, bu gün keçiriləcək Avstriya - Azərbaycan matçı Bakı vaxtı ilə saat 23:45-də başlayacaq.