“Qarabağ” yayda yeni futbolçularla güclənəcək

“Yayda bir neçə transfer etmək fikrindəyik. Daim liderliyi qoruyub saxlamaq istəyiriksə, Avropada hər zaman uğurla çıxış etməyi hədəfləyiriksə, heyətimizin hər zaman genişlənməsinə ehtiyac var”.

Futbolxeber.az saytının məlumatına görə, bu sözləri “Qarabağ”ın baş məşqçisi Qurban Qurbanov deyib.

Təcrübəli mütəxəssis qeyd edib ki, hər hansı oyunçunun yoxluğu komandanın çıxışına təsir etməməlidi:

“Bu gün komandamızda qapıçılardan başqa 23 futbolçu olsa da, gördünüz ki, avrokuboklardakı oyunlarımızda nə qədər çatışmazlığımız oldu. 7-8 ay ərzində oynamayan futbolçularda zədələri, mikro zədələri də gözləməliyik. Böyük oyunlarda bəzən güc çatmır. Ona görə də Diakabi, Benzia düşünmədiyimiz zədələrlə üzləşdilər. Onların hazırlıq səviyyəsi elə idi ki, minimum 30-45 dəqiqə meydanda mübarizə apara bilərdilər. Lakin matçların gərginliyi göstərdi ki, bizim düşündüyümüz kimi olmadı. Vacib məqam odur ki, hansısa oyunçunu itiririksə, oyunumuzu itirməməliyik. Zədəlini əvəzləyən futbolçumuz da yaxşı səviyyədə, bacarıqlı olmalıdır. Ona görə də yayda yeni transferlərin gözlənildiyini söyləyə bilərəm”.