“Qarabağ” və “Turan Tovuz” qalib gəldi

Azərbaycan Premyer Liqasında 23-cü tura yekun vurulub.

Futbolxeber.az saytının məlumatına görə, son oyun günündə iki oyun keçirilib.

"Sabah" öz meydanında "Turan Tovuz"la qarşılaşıb. Görüşdə sürpriz nəticə qeydə alınıb.  "Turan Tovuz" 2:0 hesablı qələbə qazanıb. Bu, "Sabah"ın mövsümdə 2-ci məğlubiyyətidir. Komandanın 16 oyunluq məğlubiyyətsizlik seriyasına da son qoyulub. "Sabah" sonuncu dəfə 6-cı turda "Qarabağ"a uduzmuşdu - 3:4.

Turun son matçında "Qarabağ" səfərdə "Zirə" ilə üz-üzə gəlib. "Qarabağ" "Zirə"nin kapitanı Qismət Alıyevin avtoqolu ilə minimal hesablı qələbə qazanıb.

Bu oyunlardan sonra lider "Qarabağ"la 2-ci yerdəki "Sabah" arasındakı xal fərqi 8-ə çatıb.

Azərbaycan Premyer Liqası

XXIII tur

19 fevral (bazar)

“Zirə” - “Qarabağ” - 0:1

Qol: Qismət Alıyev, 87-avtoqol (0:1)

Hakimlər: Tural Qurbanov, Vüsal Məmmədov, Müslüm Əliyev, Vüqar Həsənli

Zirə İdman Kompleksinin stadionu

“Sabah” - “Turan Tovuz” - 0:2

Qollar: Natan Oduva, 11, Ayxan Quseynov, 62

Hakimlər: Kamal Umudlu, Elşad Abdullayev, Cəmil Quliyev, Nicat İsmayıllı

18 fevral (şənbə)

“Neftçi” - “Səbail” - 3:0

“Qəbələ” - “Sumqayıt” - 2:1

17 fevral (cümə)

“Kəpəz” - “Şamaxı” - 3:2