“Sabah “Qarabağ”dan yaxşı oyun və qələbə gözləyirəm”

21 yaşadək futbolçulardan ibarət milli komandamızın və “Kəpəz”in keçmiş baş məşqçisi Yaşar Vahabzadə sabah UEFA Konfrans Liqasının 1/16 final mərhələsi çərçivəsində keçiriləcək “Qarabağ” - “Gent” oyunu haqda danışıb.

Futbolxeber.az saytına müsahibəsində təcrübəli mütəxəssis təmsilçimizdən qələbə gözlədiyini bildirib:

“Qarabağ”a uğurlar arzulayıram. Sabahkı oyun çox vacibdi. Azərbaycan futbol ictimaiyyətə hamılıqla Ağdam klubunun uğurlu nəticə qazanmasını arzulayır. Təbii ki, mən də sabah “Qarabağ”dan yaxşı oyun və qələbə gözləyirəm. İnanıram ki, gözəl oyunla hər birimizi sevindirəcəklər”.

Fərəc ASLANOV