“Kəpəz”də gözlənilən görüş baş tutmadı - ÖZƏL

Bu günə “Kəpəz”in İdarə Heyətinin sədri İlqar Nadiri ilə klubun baş məşqçisi Tərlan Əhmədov arasında nəzərdə tutulan görüş baş tutmayıb.

Futbolxeber.az saytına bu haqda Tərlan Əhmədov məlumat verib.

Təcrübəli mütəxəssis qeyd edib ki, klub rəhbəri ilə görüş sabah keçiriləcək.

Xatırladaq ki, dünən “Turan Tovuz”dan alınan 0:2 hesablı məğlubiyyətdən sonra “Kəpəz” azarkeşləri Tərlan Əhmədovu istefaya səsləyiblər. Təcrübəli mütəxəssis oyundan sonra keçirilən mətbuat konfransında sabah (bu gün-red.) klub rəhbərliyi ilə görüşərək bu məsələ barədə müzakirə aparacağını bildirmişdi. Əhmədov onu da əlavə etmişdi ki, “Kəpəz”dən indi deyil, mövsümün sonunda, komandanı Premyer Liqada saxlamaqdan sonra ayrılmaq istəyir.

FƏRƏC