“Qarabağ”la heç-heçəyə görə komandaya mükafat verilmişdi”

Azərbaycan Premyer Liqasının XXI turunda “Qarabağ”dan xal alan “Kəpəz”in futbolçuları bu nəticəyə görə pul mükafatı alıblar.

Bu barədə Futbolxeber.az saytına müsahibəsində Gəncə klubunun İdarə Heyətinin sədri İlqar Nadiri açıqlama verib:

“Qarabağ”la oyundakı heç-heçəyə görə komandaya mükafat verilmişdi. Həmin görüşdə futbolçular çox yaxşı mübarizə apardılar. Qarşılaşmadan sonra futbolçulara mükafat paylanıldı. Biz həmişə mükafatı növbəti oyuna qədər veririk ki, qoy futbolçuların motivasiya yüksək olsun. Növbəti görüşə komanda daha da yaxşı əhval-ruhiyyədə çıxsın”.

Fərəc ASLANOV