“Neftçi”nin yeni transferi: “Bu, məni özümdən çıxarır”

“Neftçi”nin yeni transferlərindən olan Mateus Saldanyanın Futbolxeber.az saytına müsahibəsi

- Premyer Liqanın XXII turunda “Neftçi” “Qəbələ” səfərindən 1 xalla qayıtdı. Qolsuz bərabərliklə yekunlaşan görüş barədə nə deyə bilərsən?

-  Çətin otun oldu. Hər iki komandanın qarşılıqlı qol epizodları var idi. Lakin tərəflərdən heç biri şansları dəyərləndirə bimədi. İkinci hissədə bizim matçın taleyini həll etmək imkanlarımız var idi. Lakin təəssüf ki, fərqlənə bilmədik. Təbii ki, meydanı cəmi 1 xalla tərk etdiyimiz üçün üzülürəm.

- Qeyd etdiyin kimi, qol epizodlarından yararlana bilmədiz. Bunu nə ilə əlaqələndirmək olar?

- Komandada yeni oyunçular var. Ona görə də bir-birimizə uyğunlaşmaq üçün vaxt lazımdır. Düşünürəm ki, oyundan oyuna daha da yaxı çıxış edəcəyik.

- 3 oyunda “Neftçi”nin heyətində meydana çıxmısan. Artıq komandaya uyğunlaşdığını söyləmək mümkündür?

- Məşqdən məşqə, oyundan oyuna adaptasiya prosesi daha da yaxşılaşır. Bəzən matçın gdişində elə hallar olur ki, bir-birimizi yaxşı tanımadığımız üçün istədiyim ötürmələri ala bilmirəm. Bu da məni özümdən çıxarır. Dediyim kimi, zamanla hər şey daha da yaxşı olacaq.

- “Neftçi” hazırda turnir cədvəlində üçüncü pillədə qərarlaşıb və lider “Qarabağ”la xal fərqi heç də az deyil. Demək olar ki, bundan sonra əsas hədəf kuboku qazanmaqdır?

- Çempionatda liderlə aramızda xal fərqi çox olsa da, təslim olmuruq. Hər oyuna qələbə üçün çıxırıq. Kubok oyunlarına hələ çox var. Üstəlik, nəinki kuboku qazanmaq, hətta final barədə düşünmək tezdir. İndidən “Neftçi”nin finalda olduğunu söyləmək olmaz. Qarşıda hələ yarımfinal var. Yalnız bu mərhələni adladıqdan sonra həlledici görüş barədə düşünmək olar. Ümumi götürdükdə, təbii ki, kuboku qazanmağı çox istəyirik və sona kimi bu məqsədimiz çatmaq üçün mübarizə aparacağıq.

- Növbəti turda turnir cədvəlinin son pilləsində qərarlaşan “Səbail”lə qarşılaşacaqsınız...

- “Neftçi” hər matça qələbə üçün çıxır. Rəqibin turnir cədvəlində neçənci yerdə olmasının heç bir fərqi yoxdur. Bütün rəqiblərə hörmətlə yanaşırıq. “Səbail” sonuncu pillədə yer alsa da, arxayınlaşmaq olmaz. Bu görüşə ciddi yanaşıb, mütləq 3 xal qazanmalıyıq.

- Sonda Azərbaycan çempionatı barədə təəssüratlarını öyrənmək istərdik.

- “Neftçi”də cəmi 3 oyunda meydana çıxmışam. Hər oyun fərqli keçib. Ona görə də indidən çempionatında ümumi səviyyəsi barədə qəti fikir bildirə bimərəm. Qarşıdakı bir neçə turdan dəqiq nəsə deyə bilərəm.

Fərəc ASLANOV