“Neftçi” Lavalın Portuqaliya klubuna satışını yekunlaşdırdı

“Neftçi” PFK Portuqaliyanın “Arouka” klubu ilə Yusuf Lavalın satışı ilə əlaqədar rəsmi danışıqları uğurla başa çatdırıb.

Futbolxeber.az saytının klubun feysbuk səhifəsinə istinadən verdiyi məlumata görə, nigeriyalı yarımmüdafiəçi “Arouka”ya satılıb.

“Neftçi”yə göstərdiyi xidmətlərə görə Yusuf Lavala təşəkkür edir, gələcək karyerasında uğurlar arzulayır.

Qeyd edək ki, 2020-ci ilin yayında transfer olunmuş Laval bu müddətdə 69-u çempionat (4 qol), 6-sı kubok, 13-ü avrokubok (2 qol) olmaqla 88 rəsmi matçda “ağ-qara” formanı geyinib, 6 qol vurub.