Geryenin "Zirə"yə keçidi rəsmiləşdi

"Zirə" heyətini yeni futbolçu ilə gücləndirib. 

Futbolxeber.az saytının klubun feysbuk səhifəsinə istinadən verdiyi məlumata görə, paytaxt təmsilçisi Donald Gerye ilə anlaşıb. Haitli müdafiəçi ilə yarım mövsüm+1 illik müqavilə imzalanılıb. 

Haiti millisinin kapitanı karyerası ərzində ölkəsinin “Violette”, “Amerika des Kayes”, Polşanın “Visla”(Krakov), “Vieçesta”, Türkiyənin “Alanyaspor”, Kiprin “Apollon” və “Olimpiakos” klublarında da çıxış edib.

Qeyd edək ki, 33 yaşlı futbolçu daha əvvəl ölkəmizdə “Qarabağ” və “Neftçi”nin də formasını geyinib.