4 Aprel 2025, Cümə
Millimizin heyəti açıqlandı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi

Ölkə futbolu

Qurban Qurbanov: "Qəbələ" qələbəyə layiq idi"

"Qəbələ"ni təbrik edirəm. Düşünürəm ki, qələbəyə layiq idilər. Son matçlarda yaxşı performans göstərən bir komandaya qarşı oynayırdıq. Bü gün düşündüklərimiz çox da alınmadı. Buna rəqibin yaxşı oyunu təsir etdi. Kubok oyunları həmişə fərqli olur. Bu gün də bunun şahidi olduq. Qarşıda bu il üçün bir matçımız var. Yaxşı performans göstərməyə çalışacağıq".

Futbolxeber.az saytının məlumatına görə, bu sözləri "Qarabağ"ın baş məşqçisi Qurban Qurbanov Azərbaycan kubokunun 1/4 finalında "Qəbələ"yə 0:1 hesabı ilə uduzaraq mübarizəni dayandırdıqları oyundan sonra keçirilən mətbuat konfransında deyib.

"Mən həmişə demişəm ki, kubok başqa prestijdir. Çalışırıq ki, bu turnirdə oyun təcrübəsi daha az olan futbolçulardan istifadə edək. Neçə illərdir bu, pis alınmır. Komandada ilin sonuna yaxın fiziki və psixoloji yorğunluq ola bilir. Həddən çox texniki səhvlərimiz olurdu. Orqanizm yorğun olanda düşüncə qabiliyyəti aşağı düşür. Bunun canlı şahidi olduq. Amma biz kuboka ciddi yanaşırıq. Çalışırıq ki, hər il kuboku başımız üzərinə qaldıraq. Bunun ləzzəti başqadır", - deyə o bildirib.

Mütəxəssis söyləyib ki, hər məğlubiyyətdə həmişə gələcək üçün fayda görür: "Bəzən futbolçular daha ciddi olmaq üçün məğlubiyyəti hiss etməlidirlər. Bunun köməyi ola bilər. Həmişə qalibiyyətlə olanda futbolçularda arxayınlıq yaranır. Həmişə məğlubiyyət arzulamıram (gülür). Amma arada belə məğlubiyyətlərin faydası çox olur".

 Q.Qurbanov Azərbaycanda məğlubiyyətsiz çempion olan yeganə komanda "Kəpəz" kimi çempion olmağı hədəfləyib-hədəfləmədikləri ilə bağlı söyləyib: "Belə bir düşüncəmiz yoxdur. Heç bir oyunda uduzmaq istəmirəm. Futbolçulardan tələbimiz budur. Çempionluğa oynayırsansa, hər matça qalibiyyət üçün çıxmalısan. Məğlubiyyətimiz olmasa, çox sevinərik".

O, komandanın hücumçusu Musa Qurbanlının Polşa klubuna keçidinin nə dərəcədə real olması ilə əlaqədar deyib: "Hazırda real deyil. Bildiyim qədər maraqlanıblar. Amma bir məşqçi olaraq hələ ki, getməyinin tərəfdarı deyiləm".








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30