Rahidin “100”ü

Rahid Əmirquliyev “Səbail”də 100-cü çempionat oyununu keçirib. 

Futbolxeber.az saytının məlumatına görə, 33 yaşlı yarımmüdafiəçinin yubileyi Azərbaycan Premyer Liqasının XVI turuna təsadüf edib. “Qəbələ” ilə səfər qarşılaşması (1:2) onun üçün 100-cü matçla əlamətdar olub.

Əmirquliyev Bakı təmsilçisində 5-ci mövsümünü keçirir. O, bu müddətdə 1 qol vurub.

Onun debütü də “Qəbələ”yə qarşı səfərdəki matçda gerçəkləşib. Rahid 2018-ci il avqustun 12-də keçirilən görüşdə (0:3) meydana çıxıb.

Qeyd edək ki, Rahid “Səbail”in heyətində Premyer Liqada 100 oyun keçirən ilk futbolçudur.