“Zenit”ın müdafiəçisi ilə “Qarabağ” və “Neftçi” maraqlanır?

Qazaxıstan millisinin üzvü Nurali Alip Azərbaycanda çıxış edə bilər.

Futbolxeber.az saytının Rusiya mətbuatına istinadən verdiyi məlumata görə, hazırda Rusiyanın “Zenit” klubunda oynayan 23 yaşlı müdafiəçi ilə “Qarabağ” və “Neftçi” maraqlanır.

Rusiyanın “Pari Nijni Novqorod” klubunun da Nuralini heyətinə cəlb etmək istədiyi bildirilib.

Qeyd edək ki, Nurali Alip müqavilə ilə Qazaxıstanın “Kayrat” klubuna məxsusdur və “Zenit”də icarə əsasında çıxış edir. Transfermarkt portalı klubu ilə 2023-cü ilin sonuna qədər müqaviləsi olan futbolçunun transfer dəyərini 1,2 milyon avro müəyyənləşdirib.