Antuan Kombuare: “Qarabağ”la oyun bizim üçün finaldı"

"Nant”ın baş məşqçisi Antuan Kombuare Avropa Liqasının qrup mərhələsində “Qarabağ”la keçiriləcək oyun haqda fikirlərini bildirib.

Futbolxeber.az saytının məlumatına görə, o, görüş üçün təşkil edilən mətbuat konfransında bildirib ki, Ağdam təmsilçisi ilə görüş onlar üçün final kimidi:

“Vacib oyunöncəsi hamı düşərgədədir və matça hazırdır. “Qarabağ”la sabahkı oyun bizim üçün finaldır. İkinci yerə ümid etmək baxımından son şansımız olacaq.

"Nitsa"ya qarşı çempionat matçındakı əhval-ruhiyyəni və oyun keyfiyyətini çox yüksək qiymətləndirirəm. Bu, hələ başlanğıcdır. Davamını növbəti oyunlarda gətirməliyik".

Qeyd edək ki, sabah keçiriləcək “Nant” - “Qarabağ” matçı Bakı vaxtı ilə saat 23:00-da başlayacaq.