Millimizin Erzurumda toplanışı olacaq

16 yaşadək futbolçulardan ibarət Azərbaycan milli komandasının sentyabrın 21-dən 25-dək Bakıda, 26-dan 30-dək isə Türkiyənin Erzurum şəhərində təlim-məşq toplanışı olacaq. 

Futbolxeber.az-ın AFFA-nın saytına istinadən verdiyi məlumata görə, millimiz hazırlıq çərçivəsində sentyabrın 27-də və 29-da Türkiyənin müvafiq yaş qrupundan ibarət komandasına qarşı iki yoldaşlıq oyunu keçirəcək. Bakı toplanışından sonra yoldaşlıq oyunları üçün yekun heyət müəyyənləşəcək. Hazırlıq prosesinə aşağıda adları qeyd olunan futbolçular çağırılıb:

Həbib Hüşənov, Raul Babayev, Səmid Əhmədov, Ömər Kərimov, Ziya Şəkərxanov(hamısı "Qəbələ"), Aftandil Arıxov, Vüsal Paşayev, Dilavər Verdiyev, Toğrul Tapdıqlı (hamısı "Sumqayıt"), Ayxan Əlizadə, Tuncay Əhmədov, Tunar Mehdizadə, Ramin Əvəzov, Həzrət Səmədov, Atilla Hüseynli, Babamirzə Mehdiyev, Anar Hüseynov, İbrahim Xəlilov (hamısı "Sabah"), Məsud Əlişanlı, Akif Əliyev (hər ikisi EFA), Sadiq Məmmədli (ROFM), Eltun Babazadə, Amid Qasımov (hər ikisi "Qarabağ"), Amin Muradov, Ömər Nəsibov (hər ikisi "Neftçi"), Ümid Səlimov ("Şamaxı")