"Sabah"ın məşqçisi: "Kuryoz qol buraxdıq"

"Əvvəlcə şəhidlərə Allahdan rəhmət diləyirəm. Oyuna gəldikdə, üstünlük bizdə oldu. Yaxşı qol imkanlarımız var idi. Rəqibin qolundan sonra da hücumlarımızı artırdıq və 3-cü qolu vurduq".

Futbolxeber.az saytının məlumatına görə, bu sözləri "Sabah"ın məşqçisi Artur Olenin Azərbaycan Premyer Liqasının 7-ci turunda evdə "Turan Tovuz"a 3:1 hesabı ilə qalib gəldikləri oyundan sonra keçirilən mətbuat konfransında deyib.

"Hesabda irəli olandan sonra komandanın rəqibə qeyri-ciddi yanaşdığını deməzdim. Rahatlaşsaydıq, daha çox qol vurmağa çalışmazdıq. Kuryoz qol buraxdıq. Futbolçulara oyun ərzində etməli olduqlarını söyləyirdik" - deyə o bildirib.

A.Olenin  Emmanuel Apehin 100 faizlik qol imkanlarından yararlana bilməməsi ilə bağlı deyib: "Qol vura bilmədi, burada böyük bir şey yoxdur. Gələn oyunlarda da ona şans verəcəyik".

Onun sözlərinə görə, milli komandaların oyunlarına görə yaranan fasilədə əllərində olan oyunçularla hazırlaşacaqlar: "Zədəlilərimiz də fasilədən sonra geyi qayıdacaq. Bu, bizim üçün faydalı olacaq".