Amil Ağacanov: "Bunu heç düşmənimə də arzulamıram" (Müsahibə)

"Simurq"un qapıçısı Amil Ağacanov Futbolxeber.az saytına müsahibə verib.

- "Facebook"da status yazaraq, futboldan getmək istədiyini bildirmisən.

- Hə, futboldan getmək istəyirəm. Çünki şəxsi həyatım buna məcbur edir. Heç cür özümü əla ala bilmirəm. Hamıdan uzaq olmaq istəyirəm.

- Ananın ölümüdən artıq bir müddət vaxt keçib. Yenə də özünə gələ bilmirsən? Bəlkə nəsə başqa problem var?

- Atam da xəstədi, başqa problemlerim var. İnanmıram ki, tezliklə nəsə düzəlsin.

- Futbolu atandan sonra neyləyəcəksən, nə işlə məşğul olacaqsan? Axı həyat davam edir. Özün də cavansan, gələcəyin hələ qabaqdadır...

- Bilirəm qardaş, amma ürək ağrısı, yaxınlarının ağrısını, acısını görməyi heç kimə arzulamıram. Heç düşmənimə də.

- Bu haqda "Simurq" rəhbərliyi ilə danışmısan?

- Yox, hələ heç kəs bilmir.

- Bəs nə vaxt deməyi düşünürsən? Bu addımınla klub rəhbərliyini pis vəziyyətdə qoya bilərsən. İnsanlar sənə güvənib, komandaya gətiriblər...

- Mən insanam, əgər pis vəziyyətdəyəmsə, onlar məni başa düşərlər. Bilirəm, bu çıxış yolu deyil, amma özümlə bacara bilmirəm.

- Rəhbərliklə nə vaxt danışmaq fikrindəsən?

- Hələ bilmirəm.

Elman MƏHƏRRƏMOV