Mbilla Etame "Xəzər Lənkəran"ın məşqlərinə qoşulmur

Premyer liqanın VIII turunda gözlənilmədən və kobud səhv sonrası “İnter”ə məğlub olan “Xəzər Lənkəran” fasiləsiz məşqlərini davam etdirir. Futbolxeber.az-ın klubun rəsmi saytına istinadən verdiyi məlumata görə, komanda artıq üç gündür ki, Lənkəranda havaların yağmurlu keçməsinə baxmayaraq ehtiyat meydançada “Rəvan”la matçın hazırlığına başlayıb. “İnter”lə oyunda çiynindən zədələnən Mbilla Etame hələ ki, məşqlərə qoşula bilmir. Bu gün və sabah məşqlərini davam etdirən “Xəzər Lənkəran” sabah günorta saatlarında Bakı şəhərinə yola düşəcək. Komanda oktyabr ayının 4-də “Rəvan”ın qonağı olacaq.