Slovakiyalı yarımmüdafiəçi: "Qarabağ"la oyun asan olmayacaq"

“Bu iki oyunda olmağım mənim üçün böyük motivasiyadır. “Trnava” ilə Avropa Liqasının qrup mərhələsində oynamışam, lakin Çempionlar Liqası başqa səviyyədir”.

Futbolxeber.az saytının məlumatına görə, bu sözləri Çempionlar Liqasının pley-off mərhələsində bu gün "Qarabağ"la qarşılaşacaq "Viktoriya"nın slovakiyalı futbolçusu Erik Yirka deyib

Sovakiya Futbol Federasiyasının rəsmi saytına müsahibə verən 24 yaşlı yarımmüdafiəçi Ağdam klubu ilə bugünkü oyunun asan olmayacağını bildirib: "Bu mövsüm çətin olacaq. Azarkeşlərimiz bizi çempionatda zirvədə görmək istəyir və yenidən titul qazanacağımıza inanırlar. Çempionlar Liqasının pley-offuna gəlincə, asan olmayacaq. Ancaq yaxşı heyətimiz var və irəliləmək istəyirik".

Qeyd edək ki, bu gün keçiriləcək matç saat 20:45-də start götürəcək. Komandalar arasındakı cavab matçı avqustun 23-də Çexiyada olacaq.