"Rapid"in baş məşqçisi: "Bakıda istifadə edə bilmədiyimiz epizodları sabah reallaşdırmalıyıq"

"Rapid"in baş məşqçisi Ferdinand Feldhofer Konfrans Liqasının 3-cü təsnifat mərhələsinin “Neftçi” ilə cavab oyunundan əvvəl mətbuat konfransı keçirib. Futbolxeber.az saytının məlumatına görə, o, ilk öncə qarşılaşma barədə fikirlərini açıqlayıb.

- Qələbə qazanmaq üçün daha çox pressinq edib, qol epizodları yaratmaq lazımdır. Bakıda istifadə edə bilmədiyimiz epizodları sabah reallaşdırmalıyıq.

- “Neftçi” Bakıdakı kimi intensiv oynasa, buna necə müqavimət göstərəcəksiniz?

- Daha fəal olacağıq və hücum etmək istəyirik. Standart vəziyyətlərdən də istifadə etmək lazımdır.

- Sabah “Rapid”in hansı üstünlüyü olacaq?

- Öz meydanımızda oynamağımız bizim üstünlüyümüzdür. Bundan istifadə edərək hücuma atılmaq lazımdır.

- Qələbə üçün iki qol bəs edəcək?

- Növbəti mərhələyə yüksəlmək şansı əldə etmək üçün minimum bir qol vurmalıyıq. Bütün gücümüzü toparlamalıyıq ki, nəticə qazanaq. “Neftçi”nin gücü bizə aydındır. Onların özünəməxsus oyun tərzi var.

- Rəqibin hücumlarının qarşısını necə alacaqsınız?

- İlk oyundakı səhvlərimizi öyrənmişik. Əsasən “Neftçi”nin cinahlardakı reydlərinə müqavimət göstərmək lazımdır. Səhvlərimizi konkretləşdirmişik. Çalışacağıq ki, imkanlarımızı dəyərləndirək.