"Zirə" son dəqiqədə sevindi

Bu gün Azərbaycan Premyer Liqasında yeni mövsümə start verilib.

Futbolxeber.az saytının məlumatına görə, 2022/23 mövsümünün açılış oyununda "Kəpəz" "Dalğa Arena"da "Zirə" ilə qarşılaşıb. 

Fövqəladə Hallar Nazirliyinin müvafiq rəyinə əsasən Gəncə şəhər stadionunda tribunaların qəzalı vəziyyətdə olduğu üçün "Kəpəz" ev oyununu Bakıda keçirib. 

Qarşılaşma nominal qonaqların qələbəsi ilə yekunlaşılb. Son saniyələrdə vurulan qol "Zirə"yə qələbə qazandırıb.

Qeyd edək ki, turun digər oyunları 6-7-8 avqust tarixlərində keçiriləcək.

Azərbaycan Premyer Liqası

I tur

5 avqust

“Kəpəz” - “Zirə” 1:2

Qollar: Mohamed Hamdaui, 32 (0:1), Mixeil Erqemlidze, 45+1 (1:1), Sertan Taşkın, 90+4 (1:2)

Qırmızı vərəqə: Dmitrios Çantakias, 83 ("Zirə")

Hakimlər: Əliyar Ağayev, Zeynal Zeynalov, Akif Əmirəli, Cavid Cəlilov

“Dalğa Arena”