“Neftçi”yə daha çox qol vurmadığımız üçün bir az təəssüfləndim”

“Daha çox qol vurmadığımız üçün bir az təəssüfləndim. 2:0 təhlükəli hesabdır. 80 dəqiqə ərzində oyunçularım çox yaxşı iş gördülər. Nəticəyə görə bir az məyusam. Düşünürəm ki, lazım olan qədər qol vura bilmədik”.

Futbolxeber.az saytının məlumatına görə, bu sözləri Kipr “Aris”inin baş məşqçisi Aleksey Şpilevski Konfrans Liqasının 2-ci təsnifat mərhələsinin “Neftçi”yə 2:0 hesabı ilə qalib gəldikləri ilk oyundan sonra deyib.

"Bakıdakı cavab matçına hazırlaşacağıq. Mən bu şəhəri görmək istəyirəm. Oranın çox gözəl olmasından xəbərdaram. Rəqib bizim imkan verdiyimiz qədər güclüdür. Hər zaman da futbolçularıma bunu deyirəm. Futbolçularım rəqibə sakit nəfəs almağa imkan vermədi. Rəqibin prinsipini, oyunu necə quracağını bilirdik. Onların qarşısını alıb, planlarını poza bildik. Ona görə də onlar planlaşdırdıqlarına nail ola bilmədilər" - deyə o bildirib.