“Zirə”nin legioneri: “Avropa futbolunda çox yaxşı şeylər yaşayacağam”

“Zirə”nin braziliyalı futbolçusu Filipe Paxtmann ölkəsinin "Terra" nəşrinə açıqlama verib.

Futbolxeber.az saytının məlumatına görə, 22 yaşlı hücumçu zədəsini sağaltdığını deyib:

"Mən tam sağalmışam və artıq komanda yoldaşlarımla məşq edirəm. Düşünürəm ki, bəlkə iki-üç həftədən sonra oyunları yenidən ard-arda sıralamaq olar. Bu, mənim üçün böyük qələbə olar. Çünki zədə alandan sonra Premyer Liqaya qayıtmaq üçün mübarizə aparmağa başladım".

Felipe paytaxt təmsilçisindəki gələcəyi barədə də danışıb: “Əminəm ki, yaxın gələcək gözəl olacaq. Komandama bütün məqsədlərinə çatmaqda kömək edə biləcəyəm. Mən kifayət qədər gəncəm və hələ Avropa futbolunda çox yaxşı şeylər yaşayacağam".

Qeyd edək ki, Paxtmann 2021-ci ildən "Zirə"də oynayır. O, ötən ilin sentyabr ayında zədələnib.