“Bu gün daha çoxuna layiq idik”

1. "Sumqayıt"ın baş məşqçisi Aleksey Baqa Azərbaycan Premyer Liqasının 24-cü turunda "Zirə"yə uduzduqları (0:1) matç barədə danışıb.

Futbolxeber.az saytının məlumatına görə, mütəxəssis görüşdən sonra təşkil olunan mətbuat konfransında deyib:

"Doğrudur, Andrey Popoviç bir neçə epizodda bizi qoldan xilas etdi. Amma komandanın göstərdiyi oyun, meydandakı bütün amillər onu deməyə əsas verir ki, bu gün daha çoxuna layiq idik. Kollektiv meydanda istək və birlik nümayiş etdirdi. Xal toplamaq istəyiriksə, nəinki bir, hətta yarım epizodlarını da dəyərləndirməliyik”.