"Zirə"nin müdafiəçisi mövsümü başa vurdu

“Zirə” itki ilə üzləşib.

Futbolxeber.az saytının məlumatına görə, Premyer Liqanın 22-ci turunda “Sabah”la oyunda zədələnən Rahil Məmmədovun durumu ciddidir.

Bud nahiyəsindən zədə alan müdafiəçinin ən azı 4 həftə meydana çıxa bilməyəcəyi məlum olub. Bu isə onun üçün mövsümün erkən bitməsi deməkdir.

Qeyd edək ki, Rahil Məmmədov müqavilə ilə “Qarabağ”a məxsusdur. O, bu ilin fervalında "Zirə" ilə mövsümün sonuna qədər olan icarə müqaviləsi bağlayıb.