Millimizin baş məşqçisi Azər Əliyev haqda nə dedi?

Millimizin baş məşqçisi De Byazi Azər Əliyevin Azərbaycan yığmasına cəlb olunması məsələsinə münasibət bildirmək istəməyib.

Futbolxeber.az saytının məlumatına görə, italiyalı mütəxəssis Malta və Latviya yığmalarına qarşı keçirəcəkləri yoldaşlıq oyunlarından öncə təşkil olunan mətbuat konfransında bu barədə sualı belə cavablandırıb: "Yaxşı olardı ki, bu barədə başqa vaxt danışaq. Malta ilə matça hazırlaşırıq və udmaq istəyirik. Bütün diqqətlərimiz qarşıdakı matçlardadır. Hazırda əlimizdəki oyunçulardan bəhs etmək istəyirəm".

Təcrübəli mütəxəssis U-21 yığmasına çağırılan "Qarabağ"ın yarımmüdafiəçisi Rüstəm Əhmədzadənin daha sonra A milliyə cəlb olunmasına da münasibət bildirib: "Əvvəlcə onu U-21-ə buraxmaq istədim. Amma Namik Ələskərov zədələndiyindən Rüstəmi əsas milliyə çağırdım. Düzdür, bu mövsüm az oynayır, amma ona ümidim böyükdür. Azərbaycan futbolunun gələcəyi ola bilər".