Luk Holtz: “Azərbaycan millisi möhkəm komandadır”

Lüksemburq milli komandasının baş məşqçisi Luk Holtz sabah DÇ-2022-nin seçmə mərhələsi çərçivəsində millimizə qarşı keçirəcəkləri oyun haqda danışıb.

Futbolxeber.az saytının məlumatına görə, o, şansları bərabər dəyərləndirib:

“Azərbaycan millisi möhkəm komandadır. Hər iki komandanın qalib gəlmək şansı 50- faizdir. Təbii ki, 3 xal qazanmaq üçün meydana çıxacağıq. Rəqibin gücünü nəzərə almaqla bunu etmək asan olmayacaq.

Yeni stadionda ilk oyunumuzu keçirəcəyik. Çalışacağıq ki, ilk oyundan qalib ayrılaraq azarkeşlərimizi sevindirək. Rəqib seçmə mərhələdə Portuqaliyaya 0:1, Serbiyaya isə 1:2 hesabı ilə məğlub olub. Bu da onların mübariz komanda olmasından xəbər verir”.