Vüqar Bəybalayev “Telavi”də növbəti oyununa çıxdı

Gürcüstan çempionatında 7-ci turun oyunları keçirilir.

Futbolxeber.az saytının məlumatına görə, “Bakı”nın yetirməsi Vüqar Bəybalayevin çıxış etdiyi “Telavi” bu turda doğma meydanda Batumi “Dinamo”su ilə qarşılaşıb və 1:2 hesabı ilə uduzub.

Vüqar da bu görüşün iştirakçısı olub. O, start heyətdə meydana çıxıb və fasilədə əvəzlənib. 27 yaşlı oyunçu 41-ci dəqiqədə sarı vərəqə ilə də cəzalanıb.

Qeyd edək ki, “Telavi” hazırda 6 xalla 10 komanda arasında 8-ci pillədə qərarlaşıb.