“Neftçi”dən 7 qollu qələbə

I Divizionda 19-cu turun daha 2 oyunu keçirilib.

Futbolxeber.az saytının məlumatına görə, “Neftçi-2” öz meydanında MOİK-i qəbul darmadağın edib. 7 cavabsız qolla 3 xal qazanan “Ağ-qaralar” xallarının sayını 40-a çatdırıb. Bununla da turnir cədvəlində üçhakimiyyətlilik yaranıb. Hazırda “Turan-Tovuz” və “Zaqatala”nın da 40 xalı var. Lakin bu iki komandadan fərqli olaraq “Neftçi-2” 1 oyun az keçirib.

Günün digər oyununda - “Sabah-2” - “Zaqatala” matçında da qapılara 7 qol vurulub.

2 aprel

"Neftçi-2" - MOİK 7:0

Qollar: Vüsal Əsgərov, 33. Asim Əlizadə, 36; 69-pen. Emin Zamanov, 46. Famil Camalov, 57. Valeh Qəhrəmanlı, 85. Əli Mürsəlov, 90+4

"Sabah-2" - "Zaqatala" 3:4

Qollar: Fərid Kərimzadə, 24. Samir Məhərrəmli, 64. Əli Abdullayev, 89-avtoqol - Bəhruz Teymurov, 45; 54-pen. Xəqani Sadıxov, 48. Əsədulla Heydərov, 71.

Qırmızı vərəqə: Sultan Mustafayev, 39 (“Sabah-2”).