Samir Əliyev 27 futbolçuya dəvət göndərdi

Martın 9-dan 19-dək Tovuzda “Turan Tovuz” Futbol Akademiyasında 19 yaşadək futbolçulardan ibarət Azərbaycan milli komandasının təlim-məşq toplanışı keçiriləcək.

Futbolxeber.az-ın AFFA-nın saytına istinadən verdiyi məlumata görə, baş məşqçi Samir Əliyev 27 futbolçuya dəvət göndərib.

Millimiz toplanış ərzində martın 13-də “Turan Tovuz”, 14-də isə “Kəpəz”lə yoxlama oyunu keçirəcək.

Hazırlıq prosesinə aşağıda adları qeyd olunan futbolçular çağırılıb:

Həsən Həsənli, Ülvü Mədətov, Süleyman Damadayev, Rauf Rüstəmli, Taleh Qarayev, Gülağa Əsədov, Mehrac Baxşəli (hamısı "Qəbələ"), Kamran Şəbiyev, Raqif Abuşov, Seymur Məmmədov, Əşrəf Zeynallı (hamısı "Sabah"), Rza Cəfərov, David Orucov, Hüseyn Babayev, Ağadadaş Salyanski (hamısı "Neftçi"), Nihad Ağayev, Tural Axverdiyev (hər ikisi "Sumqayıt"), Rəşad Həsənov, Vüsal Qənbərov (hər ikisi "Keşlə"), Sənan Aslanov ("Turan Tovuz"), Ümid Səmədov ("Kəpəz"), Mahmud Ağayev, Vüsal Əliyev (hər ikisi "Zirə"), Xəyal Əliyev ("Səbail"), Kamal Kazımov ("Kasımpaşa", Türkiyə), Zöhrab Əsədov, Mirmövsüm Canıyev (hər ikisi "Qarabağ").