Sənan Qurbanov: “İkinci qolu vura bilmirik”

"Keşlə"nin baş məşqçisi Sənan Qurbanov Azərbaycan Premyer Liqasında 18-ci turda “Səbail” ilə 1:1 hesablı heç-heçə etdikləri matçdan sonra mətbuat konfransı keçirib.

- Komandanızın çıxışından razı qaldınız?

- Oyun gözlədiyimiz kimi gərgin keçdi. Hər iki komandanın 3 xala ehtiyacı var idi. Amma 1 xal qazandıq. Futbolçulara deyirəm ki, əllərinizi yanınıza salmayın, onlara inanıram. Yeni sistem, yeni sxem var. Futbolçular yaxşı mübarizə aparır.

- 3-cü oyundur hesabda önə keçsəniz də, amma qalib ola bilmirsiniz...

- Bəli, sanki psixoloji problemdir. 2-ci qolu vura bilmirik. Qolları isə ancaq səhvlərdən buraxırıq.

- Yevgeni Koçuk meydanda niyə yox idi?

- Qızdırması var idi. Ona görə oynamadı.

- Koçukun qızdırması koronavirusla bağlıdır?

- Xeyr. Adi qızdırmadır.

- Qara zolaqdan çıxmaq üçün hansı planları düşünürsünüz?

-  Ancaq mübarizə aparıb qalib olmaq istəyirik. Futbolda ancaq mübarizə aparmaq lazımdır.