Emeri: “Qarabağ”a qarşı oynamaq daha yaxşı olardı”

"Qarabağ”la matçı oynamaq daha yaxşı olardı”.

Futbolxeber.az saytının məlumatına görə, bu sözləri “Qarabağ”ın Avropa Liqasının qrup mərhələsindəki rəqibi “Vilyarreal”ın baş məşqçisi Unay Emeri deyib.

O, 6-cı turda Ağdam təmsilçisi ilə keçirməli olduqları səfər oyununun təxirə salınmasına belə münasibət bildirib: “Bu, çox tələbkar bir rəqabətdir. Çünki böyük komandalar oynayıb, qazanmağı istəyirlər. Qrup mərhələsini oyuna çıxaraq bağlamaq istəyərdik. İndi isə UEFA-nın necə qərar verəcəyini gözləyirik”.

Qeyd edək ki, ötən gün keçirilməli olan “Vilyarreal” - “Qarabağ” görüşü təmsilçimizin 13 futbolçusunda koronavirus aşkarlandığı üçün təxirə salınıb.