"Keşlə" daha bir legionerlə vidalaşdı

"Keşlə" daha bir legioneri ilə yollarını ayırıb.

Futbolxeber.az saytının məlumatına görə, bu dəfə özbək yarımmüdafiəçi Şaxruh Qadoyevlə cari mövsümün sonunadək olan müqavilə qarşılıqlı razılıqla pozulub.

Ancaq bu cinah yarımmüdafiəçiylə bağlı belə qərar verilməsinə səbəb maddi yox, zədə amili olub. Belə ki, Şaxruh "Keşlə"də Premyer Liqamızda debütünü ilk turda "Sumqayıt"la səfər matçında reallaşdırandan sonra oynamır. Həmin görüşün 71-ci dəqiqəsində zədələnən 25 yaşlı legioner xaçvari bağlar sıradan çıxıb.

3 aylıq müalicəsi bitəndən sonra məşqlərə başlayan Qadoyev yenidən zədələnib və uzun müddətə sıradan çıxıb. Həm futbolçu zədədən bərpasına xeyli vaxt lazım olduğundan, həm də komandaya uyğun gəlmədiyindən, yolların ayrılması daha məqsədəuyğun sayılıb.

Xatırıadaq ki, "Keşlə" keçən həftəsonu braziliyalı yarımmüdafiəçilər - Artur Batistayla Alvaro Tavareşi müqavilələrini pozaraq göndərib (Sport24.az).