Nazarov: “Koronavirusa görə millidə oynamağıma icazə verilməməsi üzücüdür”

“İndi elə vaxtdır ki, hər şey çox incədir. Belə məqamda bu kimi qərarlar verilməlidir".

Futbolxeber.az saytının məlumatına görə, bu sözləri millimizin üzvü Dmitri Nazarov Almaniya mətbuatına açıqlamasında deyib.

Son dövrlərdə millimizdən kənar düşməsinə münasibət bildirən 30 yaşlı yarımmüdafiəçi koronavirus pandemiyasına görə verilən bu qərardan üzüldüyünü qeyd edib:

"Karantin tədbirləri səbəbindən Almaniyaya qayıtdıqdan sonra yoluxma və ya müvəqqəti məşqdən kənarda qalmaq riski çox böyükdür. Hazırda millidə oynamağıma icazə verilməməsi mənim üçün üzücüdür. Ancaq buna məcburam. Tezliklə vəziyyətin müəyyən dərəcədə yaxşılaşacağına ümid edirəm”.

Qeyd edək ki, Dmitri Nazarov millinin həm oktyabrdakı, həm də bu aydakı oyunlarına dəvət edilməyib.