“Mən italyanam, indi sizə hər şeyi öyrədəcəm deyə bilməzsən”

Milli komandamızın yeni baş məşqçisi Canni De Byazi həmyerlisi, “Neftçi”nin sabiq baş məşqçisi Roberto Bordinin ölkəmizdə çalışmasından xəbərdadır.

Futbolxeber.az saytının məlumatına görə, bu haqda De Byazi CBC Spor kanalında yayımlanan “Təkbətək” proqramında danışıb.

“Bordini tanıyıram, “Neftçi”də işləyib. Bəzən istədiyini həyata keçirmək üçün ixtiyarında lazımi şərait olmur. Xaricdə işləmək üçün ağıllı, xarakter mənasında elastik olmalısan. Çalışdırdığın komanmdanın, həmin ölkənin, xalqın fəlsəfəsinin dərinliyini anlamalısan. Mən italyanam, indi sizə hər şeyi öyrədəcəm deyə bilməzsən. Ağılı olmaq, əlindəki futbolçuların potensialını açmaq üçün çalışmalısan”.