"Mənə hələ də qələbə qazanmağa qadir komanda yaratmaq nəsib olmayıb"

"Oyuna qələbə əzmi ilə çıxmışdıq, lakin yaxşı başlamadıq. İlk qoldan sonra komandada ruh düşkünlüyü yarandı". Futbolxeber.az-ın məlumatına görə, bu sözləri "Qəbələ" ilə oyundan sonra "Xəzər Lənkəran"ın baş məşqçisi Con Toşak deyib. Uelsli mütəxəssis bildirib ki, uğursuzluğa görə bütün məsuliyyət onun üzərindədir: "Rəqib ikinci qolu çox asanlıqla vurdu. Qol vurmaq şanslarımız çox olsa da, fərqlənə bilmədik. Məsuliyyəti öz üzərimə götürürəm. Mənə hələ də qələbə qazanmağa qadir komanda yaratmaq nəsib olmayıb. Çoxlu yeni futbolçumuz var. Onlara uyğunlaşmaq üçün vaxt lazımdı. Daha çox işləməliyik".