"İnter" - "Simurq" duelinin tarixi

Azərbaycan Premyer Liqasının 5-ci turunun qarşıdan gələn "İnter" - "Simurq" görüşü hər iki komanda üçün sayca 19-cu olacaq. Futbolxeber.az-ın məlumatına görə, bunadək komandalar bir-birilə 18 dəfə qarşılaşıb, 16 oyun çempionat çərçivəsində keçirilib və 2 matç isə ölkə kubokunun payına düşür. “İnter” rəqibini 14 dəfə məğlub edə bilib, "Simurq" isə ancaq 3 qələbəyə malikdir. 18 oyunun 1-i heç-heçə ilə başa çatıb. Vurulan topların fərqi "İnter"-in xeyrinədir - 31:10. 

Komandalar ilk dəfə 2006-cı ilin avqust ayında çempionat çərçivəsində üz-üzə gəlib. "Şəfa" stadionuna baş tutmuş həmin görüş 2:0  hesabıyla "İnter"in xeyrinə başa çatıb. 

Xatırladaq ki, ötən mövsümdə komandalar bir-biri ilə dörd dəfə qarşılaşıblar. Dörd oyunun ikisi "İnter"in qələbəsilə başa çatıb. Digər iki oyunda isə “Simurq” qələbəyə sevinib. "Şəfa" stadionunda keçirilmiş iki matçda "İnter" rəqibi 1:0 və 5:0 hesabıyla üstələyib, Zaqatalada keçirilən görüşdə isə  "Simurq" daha üstün olub - 1:0 və 1:0. "İnter” - "Simurq" oyunlarında ən populyar hesablar 2:0 və 1:0-dır. Belə nəticələr 18 görüşün hərəyə 6 dəfə olmağla 12-də qeydə alınıb. "İnter" - "Simurq" qarşılaşmaların tarixində ən böyükhesablı nəticə 3:4 hesabıdır. 2008-cı ildə "İnter" "Simurq"u məhz bu hesabla udmuşdu. Ən böyükhesablı qələbəyə isə "İnter" elə ötən mövsümdə imza atıb - 5:0.

Azərbaycan çempionatında "Simurq"a qarşı keçirilən  ev oyunlarında “İnter” böyük üstünlüyə malikdir. Belə ki, 8 qarşılaşmanın hamısında komanda rəqibini məğlub etməyi bacarıb. Bu matçlarda top fərqi "İnter"in xeyrinədir - 12:1.

Qeyd edək ki, "İnter" - "Simurq" matçı sentyabrın  1-də keçiriləcək. Oyun saat 20.00-da başlayacaq.