“Qarabağ”dan 1 gündə 2 məğlubiyyət

Antalyada təlim-məşq toplanışı keçirən "Qarabağ" bu gün 2 yoxlama oyununa çıxıb.

Futbolxeber.az saytının məlumatına görə, Qurban Qurbanovun kollektivi əvvəlcə Çexiyanın "Siqma" komandası ilə qarşılaşıb. Görüş çexlərin 3:1 hesablı qələbəsi ilə tamamlanıb. "Qarabağ"ın yeganə qolunu Musa Qurbanlı vurub.

Ağdam təmsilçisi 2-ci yoxlama görüşündə Polşa "Visla"sı ilə üz-üzə gəlib. Qurban Qurbanovun komandası bu dəfə də meydanı məğlub tərk edib - 2:3. "Qarabağ"ın heyətində Mahir Emreli (pen) və Xaymer Romero fərqlənib.  

Qeyd edək ki, "Qarabağ" bunadək 2 yoxlama oyunu keçirib. Rumınyanın "Akademiya Klinçeni"si ilə 2:2 hesablı heç-heçə edən komanda Qazaxıstanın "Jetisu"sunu minimal fərqlə  üstələyib - 1:0.