"Qəbələ" "Sabah"ı darmadağın etdi, "Səbail" - "Zirə" oyununda qalib aşkarlanmadı

Bu gün futbol üzrə Azərbaycan Kubokunda 1/4 final mərhələsinə start verilib.

Futbolxeber.az saytının məlumatına görə, ilk oyun günündə iki görüş keçirilib.

Qəbələ şəhər stadionunda eyniadlı komanda "Sabah"ı darmadağın edib. 3:0 hesablı qələbə qazanan Elmar Baxşıyevin komandası yarımfinala yüksəlməyə çox yaxındır.  

"ASCO Arena"da isə "Səbail" "Zirə"ni qəbul edib. Bu qarşılaşmada qapılara qol vurulmayıb. 

Qeyd edək ki, digər iki görüş dekabrın 16-da keçiriləcək. "Neftçi" "Sumqayıt"ı, "Qarabağ" "Keşlə"ni qəbul edəcək.

Azərbaycan Kuboku

1/4 final, ilk oyunlar

15 dekabr

“Səbail” - “Zirə” 0:0 

Hakimlər: Kamal Umudlu, Mübariz Haşımov, Cavanşir Yusifov, Fərid Hacıyev

“ASCO Arena”

“Qəbələ” - “Sabah” 3:0

Qollar: Klesio Bauk 19; 44, Ülvi İsgəndərov 87

Qırmızı vərəqə: Ülvi İsgəndərov 90+1 

Hakimlər: İnqilab Məmmədov, Namiq Hüseynov, Rahil Ramazanov, Kamranbəy Rəhimov

Qəbələ şəhər stadionu