“Kəpəz”dən böyükhesablı qələbə

Azərbaycan birinci divizionunda 9-cu tura start verilib.

Futbolxeber.az saytının məlumatına görə, ilk gündə 3 görüş keçirilib.

"Səbail-2" "Neftçi"nin ikinci komandası ilə heç-heçə edib. "Zaqatala" isə səfərdə MOİK-ə qalib gəlib.

Öz meydanında "Zirə-2"ni qəbul edən “Kəpəz” isə rəqibinə heç bir şans tanımayıb. İlk yarıda rəqib qapısına yol tapa bilməyən Yaşar Vahabzadənin komandası fasilədən sonra 3 dəfə “Zirə”ni meydanın mərkəzinə dəvət edib. Bununla da “Kəpəz” son 5 oyunda 4-cü qələbəsini qazanıb.

"Neftçi-2" - "Səbail-2" 1:1

Qollar: Elnur Süleymanov, 40 - Murad Ağayev, 90+1

"Kəpəz" - "Zirə-2" 3:0

Qollar: Nodar Məmmədov, 59-pen. Elvin Nəsibov, 64, Elcan Rəhimov, 71

MOİK - "Zaqatala" 0:1

Qol: Bəhruz Teymurov, 28