Vüsal İsgəndərli: “Bütün əsgərlər üçün hərbi salam verdim”

Azərbaycan Premyer Liqasının 8-ci turunda evdə "Sabah"la oyunda hesabı açan “Keşlə"nin futbolçusu Vüsal İsgəndərli vurduğu qoldan sonra əsgər salamı verib.

Futbolxeber.az saytının məlumatına görə, görüşdən sonra jurnalistlərin suallarını cavablandıran V.İsgəndərli addımının səbəbini belə izah edib:

“Biz Azərbaycan türküyük. Türkiyə ordusu hazırda əməliyyatdadır. Həm onlara görə belə etdim, həm də öz əsgərlərimiz var, cəbhə xəttində bizi qoruyurlar. Onları da düşündüm və yaxın dostum əsgərdir. Bütün əsgərlər üçün hərbi salam verdim. Allah hamısını qorusun!”