Təmkindən biabırçı hərəkət

Azərbaycan Premyer Liqasının 8-ci turunda bu gün keçirilən "Keşlə" - "Sabah" oyunundan sonra qalmaqal yaşanıb.

Futbolxeber.az saytının məlumatına görə, qonaq komandanın futbolçusu Təmkin Xəlilzadə matç bitən kimi görüşün baş hakimi Kamal Umudlunun üzərinə hücum  edib. Komanda yoldaşları heç cür futbolçunu sakitləşdirə bilməyiblər. Təmkinin hansı səbəbdən belə özündən çıxdığı məlum deyil.

Meydanda biabırçı hərəkətlərə yol verən millimizin üzvünü polislər meydandan zorla çıxarıblar. Bu hərəkətinə görə baş hakim T.Xəlilzadəyə qırmızı vərəqə göstərib.

Qeyd edək ki, 1:1 hesabı ilə başa çatan matçın 90+3-cü dəqiqədə "Sabah"ın futbolçusu Filip İvanoviç ikinci sarı vərəqə alaraq meydandan qovulub.